Johannes Georg Adalbert Diekhoff, geb. 10.2.1919 in Boekzetelerfehn, st. 3.8.2013 in Emden, Mester, Kulturfunktionär, Heimaatförsker, weer en belangriek Persönlichkeit. He hett sük u. a. heel düchtig för dat Erhollen van de plattdüütske Spraak insett. 1990 hett Diekhoff de Vereen Oostfreeske Taal grünnt un weer bit 1993 de Vörsitter van de Vereen.
As Lidd van de Landskuppsversammeln van de Oostfreeske Landskupp van 1981 bit 1986 hett he en heel Bült Saken anstött. En besünners groot un belangriek Erfolg weer de Gründung van en plattdüütsk Fackstee in dat Jahr 1988, de Grundlaag för dat Plattdüütskbüro van vandaag. Butendeem hett he de „Arbeitskreis ostfriesischer Autorinnen und Autoren“ 1983 up de Benen stellt. Daar weer he ok bit 1990 de Vörsitter. 1985 hett Diekhoff dat oostfreeske Vörleestelefon inricht, un he weer Rutgever un Redakteur van de Zeitungsbilaag „Tweesprakenland“ (1983 – 1993) un Mitrutgever van de Tiedschrift „Diesel. Dat Oostfreeske Bladdje“ (1992 – 2018). He hett sük ok för en eenhellig Schrievwies van dat oostfreeske Plattdüütsk insett.
1990 hett Diekhoff de Vereen Oostfreeske Taal grünnt un weer bit 1993 de Vörsitter van de Vereen.
